इवलेसे विश्व

इवल्यास्या त्या डोळ्यात किती मोठी स्वप्न आहेत

ढगांच्या पलीकडल्या बाप्पालाही ते शोधत आहेत

इवल्यास्या त्या ओठांमध्ये किती प्रश्न सामावले आहेत

हे काबरं ते काबरं मध्येचं जगण्याची गंमत शोधत आहे 

इवल्याश्या त्या हातांनी किती कामं सुरु असतात

दहा वेळा पसारा करून परत आवरत बसतात 

इवलेसे ते पाय घरभर नुसते पळत राहतात 

धडपड करत इकडे तिकडे पडून पुन्हा चढत राहतात

इवल्याशा त्या ह्रदयातून किती प्रेम देत राहतेस

छोट्याशा त्या मिठीतून लढायलाही बळ देतेस