रडतेस का ग आई तु

रडतेस का ग आई तु

रडतेस का ग आई तु

मोठी मुलगी आली विचारत

रडतेस का ग आई तु

मोठी मुलगी आली विचारत

कुठे काय काही नाही

म्हणाले मी हसत हसत 

खोट बोलायच नसत तुच मला शिकवलं

आणि तुच मला खोट सांगतेस हे मी पकड़ल

रडतेस का ग आई तु, सांग मला बरं

सांगते मग ऐक, अग आई होणे नसत सोपं

अग आई होणे नसत सोपं, काहीच समजत नाही

मी करते तस करायच की त्या aunty सारखं हेच उमजत नाही

घर म्हणजे इकड़े तिकड़े नुसताचं पसारा पसारा  

याच्यापेक्षा जास्त झालाय मनात विचारांचा कचरा

तुम्ही दोघींनी भरलेत आमच्या आयुष्यात कितीतरी रंग

तुमच्या करमती बघुन होतोय आम्ही रोज दंग

तुम्ही दोघी पर्या आवडतात गं मला खुप खुप

पण कधीतरी १० मिनिटे तरी बसत जा ना गं चुप

आता ऑफिस ला जायचे लागलेत वेध

कस होईल काय होईल हया tension मध्येचं जातोय वेळ

कशाला करते मग जॉब कोणी म्हणेल  हसत

पण इमोशन च्या हया जाळ्यात मी नाही फसत

स्त्री म्हणून नाही करायचा जॉब अस कोण म्हणतं

उलट स्त्री म्हणून काम करतांना तिला मल्टी टास्किंग जमतं

मी मानली हार तर तू कोणाला बघुन शिकशील

पुढ़े जाऊन तू सुद्धा हेच ऑप्शन निवडशील

जशी तुझ्यासाठी पाहतेय मी मोठमोठी स्वप्न

माझ्या आईनेही ह्या दिवसासाठी घेतलेत खुप सारे कष्ट 

आईपण  म्हणजे दुःख, वेदना, त्रास, झोप नाही

पण आईपण  म्हणजेचं सुख, आनंद, स्वप्न आणि खुप काही

आता बोलना गं ठमे आता बोलत का नाही

काय बोलू आई, बसं बरं आधी तूही

खुर्चीवर बसवून तिने दिले मला पाणी

ही कधी एवढी मोठी झाली कळलेचं नाही

माझ्यासमोर हाताची घडी घालून बसली

ही तर ऐकवणार मला अता बनून माझीचं आई

आई, तू  खरतरं ऑफिसला बरी असतेस

घरी असली की तू मला खुप त्रास देतेस

सारख सारख हे खा ते खा करतेस

आणि वारंवर अभ्यासला बसवतेस

तू जशी आहे तशीच रहा,तेच करत जा आंटी सारख नको

माझी आई अशीच आवडते मला

दुसर्यांची काॅपी पेस्ट नको

बसली होती ना मी आत्ता १० मिनिटे मी चुप

आई तू रडु नकोस कारण मला आवाडते तू खुप

चल आपण फिरायला जाऊ गार्डन मध्ये मस्त

तु मला आइसक्रीम घेउन दे, दोघी करु फस्त